الهانم divorced

الهانم divorced - إلا قوليلي، انتي فسختي الخطوبة؟\n- ما اسمهاش كدا، اسمها فركشت!\n- وخطيبك عامل ايه دلوقت، ومين هون عليه الوقت؟\n- اسمه الإكس، وبعدين خلاص، هو دمرني وعاش حياته!\n- وانتي يا اللي هناك مطلقة؟\n- اسمهاdivorced ! كلمة مطلقة شكلها ست واقعة من فوق السطوح، أمهاتي في نفسها كدا، إنما divorced تديكي إحساس بالـ strong independent woman! -والمدام؟ جوزك سافر وسابلك العيال، ولا متوفي، ولا عايش معاكي بس كبر دماغه وشيلك الشيلة؟\n- أولاً انفصلت، ثانيًا اسمها single mom! ثالثًا أنا شكلي لبست في حيطة!\n- طيب طيب خلاص، المهم إن كلنا مشتركين في إننا بقينا سناجل، بغض النظر عن المسميات اللي بتتقال علينا وبتضايقنا.. لكن احنا اللي هنحط لكل مسمى معنى مختلف تمامًا عن اللي الناس مقتنعة به بقالهم سنين، وكمان هنقنعهم به.. وهنخليهم كمان يحسدونا إننا حصلتلن.