الرفيق سيكو سيكو

الرفيق سيكو سيكو - مفيش أروش من كتاب اسمه ( سيكو سيكو ) عشان يعبر عن محتوى مُزعج ومقلق وسط مجتمع بيهاب أي حاجة غريبة ويترجمها على أنها قلة أدب وسفالة... مع إني شخصيًا مش عارف إيه الـ (سيكو سيكو ) ده؟!! وليه ممكن فعلًا يعمل كل ده؟!!... بس هي قصة تعصب وأحكام مسبقة... بنرفض ونهاجم أي حاجة مش مألوفة بالنسبة لنا، زي الإنسان الأول لما كان بيتعامل مع النار أو الظواهر الطبيعية الغريبة... واللي مع التطور والعلم قدر يستوعب كل الحاجات ديه وعرف يتعامل معاها ويستفيد منها فالكتاب ده رسالته إنك تحاول تعيد تفكيرك في حاجات ممكن تبقى منطقية وعقلانية بس قلقك مانعك تطلعها للنور وهلعك مقيدك تناقشها بصوت عالي مع نفسك... الحب، الصداقة، الجنس، العلاقات العاطفية...أغلبها مواضيع مش عارفين نوصل فيها لقناعات واضحة أو إدراكات دقيقة... ودايمًا المبرر إنها غلط، وبنأذي بعض بتشوهاتنا ديه... بقينا نقدس الكراهية ونصق للجهل.. بقينا غرقانين في الكبت، مربوطين في زنازين الخضوع والقهر.. بقينا إحنا نفسنا... سيكو سيكو..!