فتافيت الماس

فتافيت الماس - مفيش أجمل من إنك تلاقي كلمات تلهمك و تتسند عليها فتقوم لو في يوم جه وقت إنكسار\nكلمات تدي لك معادلة للحياة شديدة البساطة لدرجة التعقيد و مصاغة بعبقرية\nكلمات تنساب لوجدانك بصوت صافي زي مية النيل، صوت قلب مش ضعيف، صوت ما يعرفش الاستسلام\nترسم لك قانون للحب وقانون للحلم وقانون للحياة وفي الوقت نفسه تعلمك إزاي تتمرد عليهم وهي بترسم لك قانون للحرية.\nعلشان تخرج من البيبان اللي إنت قافلها بنفسك على نفسك وتقول لك اتنفس الحياة حتى لو جارحة.\nوتديك فرشة و ألوان وتقول لك لونها لون فرحة علشان الدنيا لسه بخير والحياة.. رقصة شهية.\nفلو بتحب الحياة والحب والألوان والإلهام ضروري تكون منتبه لرسايل الكون اللي ربنا بيبعتها لك\nرسايل الكون اللي ممكن تيجي لك على شكل كلمات.\nكلمات تحفر مكانها في القلب وتشكل الوجدان وتكوّن جزء من مخزونك وتراثك الشخصي جدا والحقيقي جدا جدا\nووقت لما بيجي عليك الدور علشان تبعت انت كمان رسايل و لو لشخص واحد بتلاقيك بتطلع من تراثك اللي اتكون على مدار سنين و ده اللي حصل في كتاب "فتافيت الماس" هتلاقي سلسلة مقالات استوحيت عناوينها من أغاني محمد منير اللي وجداني اتشكل على كلماتها بصوته، مزجتها مع دراستي في العلوم الإنسانية فجاءت كلمات مُحرضة، ملونة بألوان الحب والحلم و الحرية ملونة بألوان الحياة".\nمن قلبي لقلوبكم نور ومحبة و كلمات فيها من روحي الكثير\nمن قلبي لقلوب كل اللي ابدعوا بالكلمات الملهمة.. تحية امتنان و تقدير